Drejtori i Rahovecit e demanton Pecin: Po gënjen, ai nuk na ka kthyer asnjëherë përgjigje

Drejtori i Rahovecit e demanton Pecin: Po gënjen, ai nuk na ka kthyer asnjëherë përgjigje

Drejtori i Bujqësisë në komunën e Rahovecit, Berat Duraku ka demantuar ministrin e Bujqësisë, Faton Pecin se kjo komunë ka refuzuar komunikimin me të.

Duraku thekson se Peci përkundrazi nuk u kishte kthyer përgjigje në shkresat e tyre.

Ja reagimi i plotë:

Ministrit të Bujqësisë Faton Peci, i paska rënë në mend në kohë fushate se ekziston edhe Rahoveci dhe bujqit rahovecas. Si rrallëherë ai dje paska vizituar komunën tonë, por paska lëshuar një gënjeshtër publike, duke thënë që Komuna e Rahovecit e ka refuzuar komunikimin me Ministrinë e Bujqësisë.

Ministri e paska akuzuar komunën për një gjë që e ka bërë vet ai. Që prej marrjes së mandatit të tij, në kuadër të Drejtorisë së Bujqësisë në Rahovec, i jemi drejtuar me dhjetëra shkresa zyrtare duke i ofruar bashkëpunim në të mirë të bujqësisë dhe bujqve rahovecas.

ASNJË përgjigje nuk është kthyer në asnjërën prej shkresave tona. Rahoveci është injoruar totalisht nga ky ministër, përkundër impaktit të madh që e ka në bujqësi në nivelin nacional. Ministri Peci nuk e ka vizituar Rahovecin zyrtarisht që nga marrja e detyrës dhe as që është marrë me hallet e fermerëve që u krijuan për çështjen e subvencioneve me ardhjen e tij në këtë detyrë.

Ndjeva përgjegjësi ta demantoj gënjeshtrën publike të ministrit që ka ardhur të mbledhë vota të bujqve e qytetarëve që i injoroi ftohtësisht që nga instalimi i tij në pushtet.

Më poshtë janë kërkesat dhe ftesa drejtuar Ministrit që asnjëherë nuk kemi pranuar përgjigje:

Shpërndaje në: