Dua Lipa publikon fotografi nga fëmijëria
Këngëtarja shqiptare me famë botërore, Dua Lipa mundohet të jetë sa më aktive për ndjekësit e saj në rrjete sociale, të cilët presin me padurim foto e video nga përditshmëria e saj.
Së fundmi, Dua është bërë nostalgjike për veten në moshë të vogël, ndaj ka publikuar fotot më të lezetshme nga fëmijëria e saj.
Artistja ka shkëputur disa fotografi të realizuara shumë vite më parë, bashkë me shoqet e saj e motrën Rinën.
Dua kishte veshur një bluzë të kuqe dhe të verdhë, teksa pozoi pranë me vajzat e saj dhe njihet shumë lehtësisht edhe pse kanë kaluar shumë vite.
Ajo është një ndër vajzat më të suksesshme, këngët e së cilës kanë qenë më të dëgjuarat në 2020-n në Britaninë e Madhe në radio dhe televizion. Ajo realizoi një super album të suksesshëm si “Future Nostalgia”, i cili i dhuroi gjithë suksesin vitin që lamë pas.
Madje, Dua Lipa ka arritur të rrëzojë nga froni edhe Ed Sheeran, që ka qenë artisti më i dëgjuar në Britaninë e Madhe që nga viti 2017.
Dy këngët e Dua Lipës, Physical dhe Don’t Start Now kanë qenë ndër 10 këngët më të famshme në Britaninë e Madhe. Ndërkohë, që kënga më e dëgjuar nga të gjitha ka qenë Blinding Lights e The Weeknd.
