Dy djem të rinj iu çojnë bukë policëve të Kosovës në Veri
Dy qytetarë kanë vendosur që të dërgojnë ushqim për policinë e Kosovës, pasi gjatë ditës së sotme u raportua se si janë shërbyer për drekë policët tanë në Veri të vendit.
Në videon e dërguar në redaksi qytetarët shihen në veturë dhe me ushqim mbrapa, percjell Periskopi.
Gjatë ditës së sotme, në disa fotografi që janë shkrepur nga Klan Kosova, shihet një shujtë shumë e varfër që përmban një copë buke, një pashtetë të lirë dhe një jogurt të lirë dhe e cila po iu shërbehet policëve të Kosovës në Bërnjak.
Kjo shpreh gjendjen tmerruese të trajtimit të policëve të Kosovës që po përballen me protestuesit serbë dhe me strukturat e dyshimta kriminale në veri për shkak të aksionit të targave./Periskopi/