Dyshime se administrata e Bushit qëndron prapa sulmeve të 11 shtatorit

Një kameraman i Kullave Binjake pohon të ketë prova se administrata e George W. Bushit fshihet prapa sulmeve terroriste të 11 Shtatorit.

Burri, i cili është akuzuar për vrasjen e gruas së tij, beson se ka prova që sulmet në Qendrën Tregtare më 11 shtator lidhen me administratën e Bushit.

Kurt Sonnenfeld po punonte për “Federal Emergency Management Agency”, një organizatë e lidhur me Departamentin e Sigurisë, kur ndodhën sulmet terroriste në Kullat Binjake, shkruan The Sun.

Pas sulmeve me aeroplanë, Kurti ishte urdhëruar që të xhironte çdo gjë që ka parë në vendin ku qëndronin Kullat Binjake.

Me një kamerë të vogël, 39-vjeçari filmoi çdo gjë që pa në vendin e sulmeve.

Ai dokumentoi prova që thuhej se do të ishin pjesë e një raporti mbi sulmet terroriste, por incizimet e tij ai kurrë më nuk i ka parë.

Jeta e tij filloi të merrte kah tjetër në muajt dhe vitet pas sulmeve terroriste, transmeton Koha.net. Gjatë kësaj kohe është vrarë edhe gruaja e tij. Ajo ishte gjetur e vdekur në krevat. Gruaja ishte vrarë me një plumb në kokë.

Pesëmbëdhjetë vjet më vonë, tani 54-vjeçari jeton në Argjentinë ndërsa shteti amerikan ka kërkuar rikthimin e tij.

Zyrtarisht thuhet se është në kërkim për vrasjen e gruas, por ai beson se prapa kësaj qëndron krejt diçka tjetër.

Ai thotë se shteti amerikan dëshiron heshtjen e tij për atë se çfarë pa në vendin e sulmeve.

Kurt xhiroi orë të tëra dhe besohet se e rëndësishme ishte ajo çfarë kapi nën rrënojat e Kullave Binjake.