Dyshohet për krim të organizuar në zgjedhjet e parakohshme parlamentare, arrestohet
Një person është arrestuar mbrëmë në Pejë, nën dyshimin se i njëjti kishte kryer veprën pjesëmarrje ose organizim i grupit kriminal të organizuar, që ka të bëjë me zgjedhjet e parakohshme parlamentare për Kuvendin e Kosovës të mbajtura në muajin shkurt-2021.
Njësitet policore gjatë bastisjes në shtëpinë dhe objektet përcjellëse të dyshuarit, kanë gjetur dhe sekuestruar dy telefona, një pistoletë të shenjëtarisë me leje me dy karikatorë me 18 fishekë dhe një brisk ngjyrë ushtarake.
Me vendim të prokurorit i dyshuari pas intervistimit, është dërguar në mbajtje.
