E tepron VV-ja: Pretendon se tre zyrtarë të saj i thanë tri fjali identike në Novi Sad

E tepron VV-ja: Pretendon se tre zyrtarë të saj i thanë tri fjali identike në Novi Sad

Lëvizja Vetëvendosje ka lëshuar një komunikatë për popullin ku ka treguar për një tribunë të mbajtur për të drejtat e pakicave në procesin e integrimit evropianë.

Ajo që bie në sy është se tre anëtarëve të saj, Armend Mujës, Fatmire Mullhaxhës dhe Sami Kurteshit u janë atribuuar fjalët e njëjta të thënë në këtë tribunë.

“Të drejtat e pakicave duhen respektuar dhe diskriminimi ndaj pakicave joserbe nga Beogradi duhet ndalur. Pakicat duhet të shërbejnë si urë bashkëpunimi ndërmjet shtetesh dhe jo si instrument konflikti ku ata jetojnë.  Kjo është një çështje themeltare kur flasim për integrimin evropian dhe euro-atlantik të Ballkanit Perëndimorë, thanë tre përfaqësuesit e VETËVENDOSJE!-s,” – thotë Vetëvendosja, përcjell Periskopi.

Kjo tryezë raportohet të jetë mbajtur në Novi Pazar.

Po ashtu, nuk dihet nëse VV flet për “diskriminim e pakicave joserbe nga Beogradi” në Kosovë apo në Serbi.

Statusi i plotë:

Të drejtat e pakicave duhen respektuar dhe diskriminimi ndaj pakicave joserbe nga Beogradi duhet ndalur. Pakicat duhet të shërbejnë si urë bashkëpunimi ndërmjet shtetesh dhe jo si instrument konflikti ku ata jetojnë.  Kjo është një çështje themeltare kur flasim për integrimin evropian dhe euro-atlantik të Ballkanit Perëndimorë, thanë tre përfaqësuesit e VETËVENDOSJE!-s, nënkryetarja, njëherazi deputetja, Fatmire Mullhaxha Kollçaku, deputeti, Armend Muja dhe përfaqësuesi ynë në KQZ, Sami Kurteshi, në tribunën me titull: Ushtrimi i të drejtave të pakicave në procesin e integrimit evropian dhe euro-atlantik të Ballkanit Perëndimorë, që u mbajt ditën e shtunë në Novi Pazar.

Në mesin e gjashtë panelistëve të kësaj tribune, ku prezentë ishin edhe përfaqësuesit e Luginës, deputeti në parlamentin e Serbisë, z. Shaip Kamberi dhe Kryetari Këshillit Kombëtar në Luginë, z. Ragmi Mustafi, tre përfaqësuesit tanë theksuan po ashtu rëndësinë që në procesin e integrimeve evropiane dhe euro-atlantike Bashkimi Evropian të ketë një trajtim më të drejtë ndaj popujve që jetojnë në Ballkanin Perëndimor e më strikt ndaj politikanëve dhe shteteve që pengojnë integrimin në këtë pjesë. Popujt nuk duhet të vazhdojnë t’i bartin pasojat e liderëve të tyre.

Shpërndaje në: