Edi Rama flet për Albin Kurtin pas tensioneve të fundit
Kryeministri i Shqipërisë, Edi Rama ka folur për herë të parë në lidhje me raportet e tij me liderin e Lëvizjes Vetëvendosje, Albin Kurtin pas tensioneve të krijuar lidhur me propozimin e tij emërimin e Gent Cakajt në postin e kryediplomatit shqiptar.
Rama në një intervistë në TV Klan ka deklaruar se raportet e tij me Kurtin janë të afërta dhe janë të hapura, megjithatë nuk komentuar deklaratën e VV-së e cila emërimin e Cakajt e quante të gabuar nga Rama.
“Unë kam një raport të afërt dhe kemi shkëmbime shumë intensive dhe të hapura”, ka deklaruar Rama, shkruan Insajderi.
Kujtojmë që ditë më parë Presidenti i Shqipërisë, Ilir Meta ka refuzuar ta dekretoj ministrin nga Kosova me arsyetim të mungesës së përvojës. Megjithatë vendimin e Metajt e përkrahu Vetëvendosja.
Ajo përmes një komunikate zyrtare deklaronte se Cakaj kishte qenë ish anëtar i VV-së dhe se sipas tyre ishte kundër qëndrimeve të Shqipërisë.
