Emigranti shqiptar përplaset për vdekje nga treni në Itali
Një 46-vjeçar shqiptar është përplasur për vdekje nga një tren në Itali.
Ngjarja e rëndë ka ndodhur mbrëmjen e djeshme rreth orës 20:00, në hekurudhën e Bogliaskos, Genova.
Sipas hetimeve të deritanishme të policisë dyshohet se viktima ishte duke marrë një objekt që i kishte rënë mbi shina, në momentin fatal kur u përplas nga treni.
Mediet italiane raportojnë se 46-vjeçari u mor para nga treni teksa ishte duke ecur në shina në rrjedhën e sipërme, pas stacionit hekurudhor Bogliascos.
