Erdogan: Biden ka “duart e përgjakura” për mbështetjen ndaj Izraelit

Presidenti i Turqisë Recep Tayyip Erdogan tha sot se homologu i tij amerikan Joe Biden ka “duart e përgjakura” për shkak të mbështetjes për shtetin e Izraelit, pas njoftimit se Uashingtoni kishte miratuar shitjet e reja të armëve këtij vendi.

Erdogan, pas takimit të qeverisë, kritikoi Biden për miratimin e shitjes së armëve Izraelit.

Administrata e Joe Biden ka miratuar një shitje të mundshme 735 milionë dollarë në Izrael dhe burimet e kongresit thanë sot se ata nuk presin kundërshtim të marrëveshjes pavarësisht nga konflikti midis Izraelit dhe ekstremistëve palestinezë.

“Ju (Biden) po shkruani historinë me duar të përgjakshme”, tha Erdogan, duke kritikuar administratën amerikane për miratimin e një vendimi të ri për t’i shitur armë Izraelit, i cili po çon në “sulme jo proporcionale në Gaza, duke shkaktuar martirizimin e qindra-mijëra njerëzve”.

Presidenti turk ka kritikuar fuqitë perëndimore për përgjigjen e dobët të tyre ndaj konfliktit izraelito-palestinez.

Erdogan, një mbrojtës i zëshëm i palestinezëve, kontaktoi udhëheqësit botërorë javën e kaluar, duke apeluar që të ndërmarrin veprime të fuqishme ndaj Izraelit.

Përveç Shteteve të Bashkuara, ai sulmoi Evropën të hënën, duke dënuar Austrinë për shkak të vendosjes së flamurit izraelit në një ndërtesë qeveritare në Vjenë të premten.

“Austria dëshiron që myslimanët të paguajnë çmimin për hebrenjtë mbi të cilët ajo kreu gjenocid,” tha Erdogan.

Kancelari austriak Sebastian Kurz e quajti vendosjen e flamurit izraelit si një shenjë solidariteti.

Një zëdhënëse e Ministrisë së Jashtme austriake tha se “është e qartë për ne që çdo ditë kur Hamasi hap më shumë se dy mijë raketa në caqe civile në Izrael, ne nuk mund të heshtim”.

Forca ajrore izraelite kreu sulme të shumta në Gaza sot, ndërsa militantët palestinezë qëlluan me raketa në qytetet izraelite, përkundër përpjekjeve diplomatike të SHBA-së dhe akterëve rajonalë, të cilët deri më tani nuk i kanë ndalur luftimet vdekjeprurëse.

Erdogan gjithashtu i dërgoi një mesazh të fortë Izraelit. “Ata janë vrasës, deri në vrasjen e fëmijëve të moshës pesë ose gjashtë,” tha ai.