Erling Haaland ishte afër transferimit te ky klub i madh në vitin 2017
Erling Haaland ka nënshkruar me Manchester Cityn, por Juventusi mund t’i kishte siguruar shërbimet e tij në vitin 2017 kur ai shkoi në Torino për të parë një lojë në “Allianz Stadium”.
Ylli i Borussia Dortmund ishte nën kontratë me Molde në atë kohë, por tashmë kishte tërhequr interesin e shumë klubeve në Evropë, përfshirë Juventusin.
Gjigantët e Serie A kishin qenë në bisedime me agjentin e tij Mino Raiola dhe ftuan sulmuesin dhe babanë e tij për të parë një lojë në Allianz Stadium.
Ai ishte një lojtar i panjohur për shumë tifozë të futbollit në atë kohë dhe disa vite më vonë, një foto nga ajo natë që tregonte Haaland të veshur me një kapele të Juventusit u bë virale.
Juventus ishte gati të paguante 4 milionë euro për të siguruar shërbimet e tij, por sulmuesi refuzoi një lëvizje në Torino pasi “Zonja e Vjetër” kishte planifikuar ta huazonte ose ta linte të luante për një sezon në ekipin e tyre U23 në divizionin e tretë të Italisë.
