Familja e dorasit nga Malisheva kërkon falje për vrasjen që e bëri i biri i tyre
Familja Krasniqi nga Pagarusha e Malishevës nëpërmjet një letre dërguar Klan Kosovës, ka thënë se e dënon ashpër vrasjen e Enver Kelmendit nga ana e anëtarit të familjes së saj, Nexhat Krasniqit.
Më tej, Krasniqët thonë se janë shumë të pikëlluar e të tmerruar me veprimin kriminal të birit të tyre. Sipas tyre, akte të tilla janë të shëmtuara dhe nuk bën assesi që të përsëriten.
Poashtu, kjo familje kërkon që organet e drejtësisë të merren me rastin në fjalë, e të mos spekulohet, derisa thonë se ju vjen keq për familjarët e të vrarit dhe dhimbjen që ju është shkaktuar në këtë humbje.
