Festë të çmendur me miqtë, kryeministrja finlandeze do t’i nënshtrohet testit të drogës

Periskopi.com Lajme

Videot nga festa e çmendur i kanë kushtuar shumë kryeministres finlandeze Sanna Marin. Shumë e akuzojnë për shthurje, kurse të tjerë për përdorim të lëndëve narkotike, ndërsa ajo ka pranuar sëfundmi që të bëjë testin e drogës për t’i mbyllur gojën kritikëve.

“Nuk kam asgjë për të fshehur. Unë nuk kam përdorur drogë dhe për këtë arsye nuk e kam problem të bëj një test,” i tha shtypit Sana Marin nga Partia Social Demokrate (SDP).

Videoja ku shihet kryeministrja duke kërcyer e papërmbajtur me një grup njerëzish është shpërndarë gjerësisht në rrjetet sociale dhe është marrë nga disa media.

“Këto video janë private, janë filmuar në ambiente private”, shtoi kryeministri. “Unë isha duke kaluar një natë me miqtë,” shpjegoi ai.

Mënyra se si kërcente Marin u kritikua nga disa që e konsideruan të papërshtatshme për një kryeministër, ndërsa të tjerë menduan se ajo kishte të drejtë të argëtohej me miqtë në një festë private, raporton abcnews.al.

Deputeti Miko Karna i Partisë së Qendrës, i cili është pjesë e koalicionit qeverisës nën Marin, tha në një postim në Tëitter se do të ishte “e mençur” që kryeministrja ” t’i nënshtrohej vullnetarisht një testi droge”.

Marin deklaroi se kishte konsumuar alkool në atë festë, ndërsa mohoi se kishte marrë drogë apo ishte dëshmitare e përdorimit të drogës nga personat që merrnin pjesë në të.

Kreu i grupit parlamentar të SDP, Andy Lindman, tha gjatë konferencës së partisë së tij sot se kryeministrja kishte mbështetjen e tyre. “Nuk shoh ndonjë problem të madh që Marin të kërcejë me miqtë në një event privat”, tha ai. Sa i përket testit të drogës, ajo douhet ta gjykojë vetë”, shtoi Lindman.