Fshati Muçibabë që po zbrazet

Jo shumë larg Gjilanit, fshati Muçibabë në këtë komunë dita ditës po zbrazet, raporton KTV. Banorët kanë filluar ta braktisin vendlindjen e tyre për shkak kushteve të vështira për jetesë dhe mungesës së infrastrukturës .

Ka pothuajse tre vjet që familja Ibrahimi jeton në shkollën e këtij fshati. Kryefamiljari kërkon nga Komuna t’i bëjë një zgjidhje, pasi thotë se nuk dëshiron që të jetë në mesin e atyre që po largohen nga fshati.

Por për mësimdhënësit e shkollës, prania e tij po e pengon procesin mësimor. Komuna në anën tjetër pranon vështirësitë që kanë banorët në këtë fshat, por zyrtarët e saj premtojnë zgjidhje.

Fshati Muqibabë shtrihet në juglindje të Gjilanit, në 800 metra lartësi mbidetar. Aktualisht në këtë fshat jetojnë rreth 20 familje.