Gastronomët kërcënuan me largimin e arkave, vjen reagimi nga ATK

Periskopi.com Lajme

Vazhdimi i masave lidhur me pandemisë nga Qeveria edhe për dy javët e ardhshme ka shtyer gastronomët që përsëri të reagojnë. Këtë herë ata paralajmëruan largimin e arkave fiskale nga bizneset e tyre. Për këtë hap thonë se fushata elektorale është edhe një arsye më shumë.

“Nuk po mundemi ta zhvillojmë veprimtarinë brenda, të cilën e kena për jetesë dhe nëse i shohim lokalet që i kanë mbushë për fushatë elektorale kjo do të jetë e papranueshme nga ana jonë, dhe atëherë kemi thënë që nëse ne po ndalohemi me funksionu brenda lokaleve e në anën tjetër po i mbushin për fushata, kemi me i gjuajtë arkat fiskale para shtetit”, tha Petrit Kllokoqi, kryetar i Shoqatës së Gastronomisë.

Gastronomët po kërkojnë që të përkrahen ekonomikisht nga shteti.

“Cdo veprimtari që ndalohet duhet të ndihma ekonomike ose subvencionim për paga, subvencionim të qerave në mënyrë që ne me i respektu këto masa”, tha Kllokoqi.

Drejtori i ATK-së Ilir Murtezaj deklaron se cdo biznes që nuk lëshon kupon fiskal do të ndëshkohet deri në një mijë euro.

“Për cdo transaksion që nuk lëshojnë kupon fiskal lidhur me shitjet e tyre atëherë Ligji parasheh të shqiptohet masë ndëshkuese, nkëtë rast gjobë mandatare për secilin kupon të palëshuar nga ana e biznesit. Vlera e gjobës mund të jetë nga 125 deri në 1 mijë euro, varësisht nga niveli i qarkullimit të biznesit për periudhën përkatëse”, tha ai Murtezaj.

Me masat e reja sipas Ligjit nuk lejohet në ambiente të mbyllura të ketë më shumë se katër në një tavolinë.

Shpërndaje në: