Gigi Hadid ndahet nga Zayn Malik pasi ky ia goditi nënën

Periskopi.com Showbiz

Nëna e modeles, Gigi Hadid, Yolanda pretendon se Zayn Malik e ka goditur javën e kaluar dhe se ajo po mendon të denoncoj atë në polici, kanë thënë persona brenda familjes për mediat e huaja.

Kjo ngjarje thuhet se ka ndodhur pasi vjehrra e tij, postoi foto të vajzës, Khai. Burime ekskluzive për “ET” kanë konfirmuar se modelja Gigi Hadid dhe këngëtari Zayn Malik i kanë dhënë fund me njëri-tjetrin.

“Ata nuk janë bashkë tani. Megjithatë ata janë të dy prindër të mirë. Yolanda sigurisht që është shumë mbrojtëse ndaj Gigi-t. Ajo dëshiron më të mirën për vajzën dhe mbesën e saj,”- tregoi një i afërt i familjes për mediat e huaja.

“Gigi është e përqendruar vetëm në atë çfarë është më e mira për Khai-n. Ajo kërkon privatësi gjatë kësaj kohe,”- tha përfaqësuesi i modeles.

Nga ana tjetër, Zayn reagoi më herët me një deklaratë në Tëitter.

“Siç e dini të gjithë, unë jam një person privat dhe dua shumë të krijoj një hapësirë ​​të sigurt dhe private ku vajza ime të rritet,” filloi shënimi i tij. “Një vend ku çështjet private të familjes nuk hidhen në skenën botërore. Në përpjekje për të mbrojtur atë hapësirë ​​për të, unë rashë dakord të mos i kundërshtoja pretendimet që lindin nga një debat që pata me një anëtar të familjes së partnerit tim, i cili hyri në shtëpinë tonë ndërsa partneri im ishte larg disa javë më parë.Kjo ishte dhe duhet të jetë ende një çështje private, por duket se tani për tani ka përçarje dhe pavarësisht përpjekjeve të mia për të na rikthyer në një mjedis familjar paqësor që do të më lejojë të bashkë-prindëroj vajzën time në mënyrën që ajo e meriton.”,- shkroi ai.