Gjesti brilant i Hazardit para se të largohej nga grupi i Chelseat në WhatsApp
Emerson Palmieri e ka zbuluar mesazhin e shkurtër por emocionues të cilin skuadra e Chelseat e ka marrë nga Eden Hazard.
Superylli belg më në fund e ka siguruar transferimin e ëndrrave te Real Madridi këtë muaj, pasi oferta 130 milionëshe e “Galcticos” u pranua nga “Të Kaltërit”, transmeton Periskopi.
Hazard, 28-vjeçar, u largua nga “Stmaford Bridge” pasi udhëhoqi skuadrën drejt lavdisë në Europa League.
Vetëm dy javë më vonë ai u prezantua në fanellën e Madridit në “Bernabeu” në prezencën e një turme të jashtëzakonshme fansash.
Largimin e tij ai e konfirmoi edhe në grupin e WhatsAppit të skuadrës së Chelseat.
Mbrojtësi i “Të Kaltërve”, Emerson pranoi se ka pasur pak aktivitet në atë grup pas triumfit në Baku.
“Në grupin e WhatsAppit, biseda e fundit është lamtumira e Hazardit,” tha mbrojtësi.
“Ai u tha lamtumirë djelmoshave dhe, që nga atëherë, nuk dimë asgjë tjetër. Është e çuditshme.
“Ai na shkroi ‘faleminderit, ju dua djelmosha,’ dhe pastaj u largua nga grupi.
“Thashë me vete, ‘dreqin, ai me të vërtet u largua’.” /Periskopi.com/