Gjithnjë e më afër medaljes së artë, Majlinda Kelmendi kalon në gjysmëfinale

Gjithnjë e më afër medaljes së artë, Majlinda Kelmendi kalon në gjysmëfinale

Xhudistja nga Kosova, Majlinda Kelmendi ka prekur gjysmëfinalen e Grand Slamit të Dusseldorfit në Gjermani.

Majlinda ka arritur edhe fitoren e tretë radhazi gjatë ditës së sotme.

Xhudistja pejane kësaj radhe në çerekfinale ka arritur të mposht koreano-jugoren Bokyeong Jeong.

Majlinda nuk e nisi mirë ndeshjen pasi mori një ndëshkim dhe ishte në disavantazh 1-0.

Megjithatë, pejania arriti të kthehet në lojë duke triumfuar në fund ndaj Jeong me ippon.

Vlen të theksohet se xhudistja jonë bënë gara në kategorinë deri në 52 kilogramë.

Në gjysmëfinale, Majlinda do të ndeshet me kundërshtaren e shpeshtë të saj, Odette Giuffrida.


Shpërndaje në: