Golfi i ri shkëlqen në Portugali

Golfi i ri shkëlqen në Portugali

Në jug-perëndimin e Evropës, u mbajt një prezantim ndërkombëtar i Golf 8 përpara lansimit të kësaj makine.

Volkswagen dëshiron ta vë Golfin e ri në dispozicion të klientëve në Evropë sa më shpejt që të jetë e mundur, ku ky model ka qenë sundimtar sovran për dekada të tëra.

Brezi i tetë do të ofrohet së pari në tregun gjerman në dhjetor, dhe në vendet e tjera të Kontinentit të Vjetër do të jetë në dispozicion në tremujorin e parë 2020.

Kur shitjet fillojnë në Gjermani muajin tjetër, klientët do të jenë në gjendje të zgjedhin midis dy motorëve me benzinë, një hibrid “të butë” dhe dy motorë me naftë. Opsionet e benzinës janë 1.5 TSI me 130 kuaj fuqi dhe 150 kuaj fuqi, ndërsa hibridi “i butë” 1.5 ETSI është gjithashtu i pajisur me një njësi 150 kuaj fuqi.

Ata që preferojnë versionin me naftë do të kenë në dispozicion 2.0 TDI në variante 115 dhe 150 kuaj fuqi. Më vonë, oferta do të plotësohet me benzinë 1.0 TSI me 90 dhe 110 kuaj fuqi, si dhe hibrid të butë 1.0 eTSI me 110 kuaj fuqi dhe 1.5 eTSI me 130 kuaj fuqi.

Shitja do të përfshijë gjithashtu dy opsione hibride plug-in me një fuqi totale 204 kuaj fuqi dhe 245 kuaj fuqi. Të dy variantet do të mundësohen nga një benzinë 1.4 TSI turbo, e kombinuar me një motor elektrik dhe bateri litiumi-joni 13 kWh. Versione me performancë të lartë të GTI, GTD dhe R janë gjithashtu të disponueshme.

Prezantimi në Portugali u përdor për foto të reja promovuese, me Golf 8 që pozon përkrah Atlantikut, si dhe në mjedisin urban.

Shpërndaje në: