Grenell bisedon me Thaçin: Kosova do të ishte në paqe nëse ai do të ishte ende President
Ish-emisari i presidentit Trump për dialogun Kosovë – Serbi, Richard Grenell shkruan se ka telefonuar ish-presindetin e Kosovës, Hashim Thaçin.
Grenell përmes një postimi në profilin e tij zyrtar në ‘Twitter’ ka shkruar se nëse Thaçi do të ishte ende president, populli i Kosovës do të ishte në paqe, shkruan Periskopi.
“Sapo bisedova me Hashim Thaçin nga burgu në Hagë. Jam i bindur se populli i Kosovës do të ishte në paqe nëse ai do të ishte ende President. Ata gjithashtu do të kishin bashkëpunim më të madh ekonomik me fqinjët e tyre – dhe më shumë punë për fëmijët e tyre nëse Thaçi do të kthehej”, ka shkruar Grenell.
I just spoke with @HashimThaciRKS from prison in The Hague.
I am confident that the people of Kosovo would be at peace if he were still President. They would also have greater economic cooperation with their neighbors – and more jobs for their children if Thaci were back.
— Richard Grenell (@RichardGrenell) August 8, 2022
Kujtojmë se Grenell kishte kërkuar kthimin e Hashim Thaçit të dielën e kaluar pas tensionimit të situatës në veri, duke thënë se Kurti po dëshiron konflikt.