Hapet pika e re kufitare Kosovë – Shqipëri, një rrugë e re midis dy shteteve
Sic u njoftua dhe nga Kryeministri shqiptar Edi Rama në mbledhjen e djeshme të qeverisë, Shqipëria dhe Kosova do të kenë një tjetër pikë kufitare tokësorë funksionale.
Në këtë mënyre dy vendet do të kenë në total 2 pika të tilla përfshirë dhe atë të Morinës.
Bëhet fjalë për pikën doganore të Shishtavecit që prej ditës së sotme do të jetë e mundur të jetë e kalueshme për çdo qytetar. Deri më sot kjo pikë kufitare ka qënë në dispozicion vetëm për banorët e zonave përreth me leje të vecantë.
Pika quhet Krushevë (Dragash) për anën kosovare – Shishtavec (Kukës) për anën shqiptare.
Marrëveshja midis dy shteteve u firmos dhe nga Kosova më 9 qershor të këtij viti.
