Hetimet kalojnë te Drejtësia Sportive: Juve bën mirë të ketë shpjegime, përndryshe e ka punën pisk

Periskopi.com Sporti

Pas kontrolleve dhe marrjeve në pyetje të ditëve të fundit, hetimi i Prisma-s që hipotezon krimet e kontabilitetit të rremë dhe faturimit të rremë për Juventusin me shtatë të dyshuar mes drejtuesve aktualë dhe atyre të vjetër, merr një lloj pauze, të paktën në nivel penal: prokurorët që do të përqendrohen te ekzaminimi i dokumenteve të sekuestruara, veçanërisht në kërkim të dokumentit të famshëm në lidhje me Cristiano Ronaldon.

Për klubin bardhezi, sot do të jetë sidoqoftë një ditë e rëndësishme, pasi do të duhet të japë përditësime si për Covisoc ashtu edhe për Prokurorinë e Federatës së Futbollit, për cështje që lidhen me drejtësisë sportive.

Juventus, në kuadër të “Suplementit të prospektit informativ” në lidhje me rritjen e kapitalit, në fakt kishte premtuar “të sigurojë një kuadër informacioni të përditësuar edhe në lidhje me profilet e mundshme të shoqërisë” për Covisoc deri të hënën më 6 dhjetor, pas hapjes së hetimeve.

Më pas do të jetë momenti për shpjegime në FIGC, që pret të marrë materialin si nga Covisoc ashtu edhe nga Prokuroria Publike e Torinos: është hapur një hetim edhe në nivel federal dhe prej andej do të vijnë çdo sanksion i mundshëm sportiv.