Ia huq përsëri Gërvalla, këtë herë ngatërron emrin e Sekretarit Blinken për një ‘h’
Ministrja e Jashtme e Kosovës, Donika Gërvalla ka takuar sot Sekretarin amerikan të Shtetit, Antony Blinken.
Në njoftimin e saj në gjuhën angleze në Twitter, ministrja ka dështuar që ta shkruajë saktë emrin e tij, duke e shkruar “Anthony” shkronjën “h” në emrin e sekretarit amerikan, ndërkohë që emri i tij i saktë është Antony.
Ajo ka shkruar: “Shumë e inkurajuar nga një shkëmbim i besueshëm, kuptimplotë dhe i përzemërt me Sekretarin e Shteteve të ShBA-së, për sigurinë dhe bashkëpunimin në Ballkan dhe për të ardhmen euroatlantike të Kosovës. Do të ketë gjithmonë një lidhje të veçantë ShBA – Kosovë. Nuk mund të kishim një mik më të vërtetë! Faleminderit, Anthony Blinken”, ka shkruar Gërvalla.
Ndryshe, Gërvalla është e njohur për huqjet e saj në njoftimet publike në Twitter.
Huqjet e saj më të shpeshta kanë qenë me flamujt e shteteve, të cilët i ka ngatërruar për shkak të ngjashmërive të tyre.
