IKShPK-ja i publikon rastet me Covid 1 orë e 39 minuta pas Ministrisë së Shëndetësisë
Instituti Kombëtar i Shëndetësisë Publike ka publikuar më në fund të dhënat e fundit 24 orëshe të pandemisë një orë e 39 minuta pas Ministrisë së Shëndetësisë.
MSh-ja ka publikuar të dhënat në ora 14:55, ndërkohë që IKShPK-ja e bëri një gjë të tillë vetëm në orën 16:34.
Një praktikë e tillë po ndodh tash e sa kohë, edhe pse dikur ishte faqja e IKShPK-së në Facebook që i publikonte e para dhe së cilës i adresoheshin qytetarët e Kosovës për të kuptuar gjendjen pandemike.
Gjatë ditës së sotme, kryeministri Kurti nuk pranoi fajin dhe nuk mori përgjegjësinë për rastet tmerruese të vdekjeve nga Covid-19 në Kosovë prej fillimit të gushtit. Ai tha se kishte vepruar në bazë të rekomandimeve të IKShPK-së.
Për 24 orët e fundit janë regjistruar gjithsej 30 raste të reja.
