Ish-këshilltari i Kurtit: U bëj thirrje qytetarëve të Mitrovicës të mos e votojnë një analfabet si Agim Bahtiri

Periskopi.com Lajme

Ish-këshilltari i kryeministrit Albin Kurti, Shkëlzen Gashi, ka pasur një lutje publike për qytetarët e Mitrovicës lidhur me zgjedhjet lokale të 17 tetorit.

Gashi, në Klan Kosova ka kërkuar që të mos e votojnë kandidatin e Lëvizjes Vetëvendosje në atë komunë, Agim Bahtirin, të cilit iu është referuar si “analfabet”.

Ai ka thënë se Bahtiri nuk duhet të votohet vetëm me kushtin se është servuar nga kryeministri Kurti.

“Mendoj që nuk duhet të jem neutral në këto situata [Mitrovica e Jugut], se kur je neutral atëherë e ke e mbështet të keqën, e ke mundësinë me e mbështet një më pak të keqe. Unë mendoj që qytetarëve të Mitrovicës e kemi obligim, ose unë e kam obligim, si qytetar aktiv, si aktivist i shoqërisë civile, me iu bë thirrje publikisht që mos me e mbështet një kandidat analfabet sikur Agim Bahtiri veç pse po e servon kryeministri Albin Kurti”, ka thënë ai.

Thirrja e tij është bërë disa orë përpara heshtjes zgjedhore, që do të zgjasë një ditë, më saktësisht nga 16 deri më 17 tetor.