Ja pse Princi William nuk e mban unazën e martesës në gisht
Është e vështirë të mos vesh re unazën e bukur të fejesës që Kate Middleton mban në gisht. Por a keni vërejtur ndonjëherë unazën në gishtin e princit Uilliam?
Nëse përgjigja është jo, atëherë ka një motiv: Princi William nuk e ka vendosur kurrë unazën e martesës. Duka i Kembrixhit, i cili u martua me Kate në vitin 2011, zgjodhi të mos e vërë unazën e martesës për një arsye shumë të thjeshtë, e cila për të vetmen herë nuk ka asnjë lidhje me rregullat e shtëpisë Windsor.
Që para se çifti të martohej, zyrtarët e Buckingham Palace njoftuan se William nuk do ta vendoste unazën pas dasmës mbretërore. Pse?
Sepse si shumë të tjerë, Princi William nuk është një burrë i bizhuterive. Një funksionar i pallatit ka shpjeguar: “Duka i Kembrixhit nuk i ka qejf bizhuteritë dhe për këtë arsye, nuk ka vendosur ndonjëherë. Ka vendosur që të mos i vërë as pas martese. E gjitha varet nga preferencat personale dhe William e Kate e kanë diskutuar atë privatisht”.
Me unazë apo jo, që William është i martuar, nuk është më një sekret. Rreth 2 miliardë njerëz janë mbërthyer para ekranit për të ndjekur dasmën.
