Jahja Kokaj për Hekuran Muratin: Kushdo që vazhdon të mendojë kundër UÇK’së, s’ka vend në shoqërinë tonë

Debati mbi vlerat e UÇK’së, përfshirja  e veteranëve në Pagën Minimale e fyerjet e ministrit Hekuran Murati ndaj pjesëtarëve të luftës janë komentuar edhe nga deputeti i Vetëvendosjes, Jahja Kokaj.

Kokaj në një intervistë për Periskopin thotë se kushdo që del kundër UÇK’së, është armik i tij. Sipas tij, pensioni i veterani duhet të jetë 1 mijë euro.

‘’UÇK’ja është jo vetëm simboli, por koncepti më i dashur në jetën time. Jo pse unë kam qenë pjesë e saj, tek e fundit secili e ka obligim që t’i shërbejë atdheut. Por prej kohës së Skënderbeut e këtej, faza më e ndritshme e kombit tonë dhe e kosovarëve në veçanti është Epopeja dhe kontributi i UÇK’së, lufta, sakrifica dhe në qoftë se është diçka për me u mburrë në histori, është kjo. Këta njerëz të UÇK’së për mua janë gjithçka. Jo pse janë vëllezër dhe bashkëluftëtarë të mi, por për arsye se. Të ardhurat e UÇK’së duhet të jenë 1 mijë euro, jo minimale. Pse me e lidhë minimale. Unë s’jam për Pagë Minimale, por me ia dhanë 1 mijë euro në muajt. Ata s’kanë shku për të holla, e një jetë më të mirë e bë. Ata kanë shku për diçka tjetër.’’, tha ai për Periskopin.

Tutje Kokaj në rastin e postimeve të Muratit, ofron dy versione.

‘’Kushdo, qoftë se është edhe vëllai im apo prindërit e mi që kanë qenë e i du me gjithë zemër, ai që flet ashtu për UÇK’në është armik i imi. Por unë Hekuran Muratitn e njoh që kur kam hyrë këtu, një djal miqësor, që kurrën e kurrës s’e kam dëgjuar të flasë kundër UÇK’së. Prandaj unë nuk e di se si e ka thënë dhe në çfarë konteksti e ka thënë, por nëse ai flet kundër UÇK’së, jam kategorikisht kundër. Nëse i ka rrëshqitë ajo fjalë, fundi i fundit, njerëz jemi edhe në Parlament pati shajë njëri aty. Në qoftë se është qëllimi ogurzi, qëllim i keq dhe i paluhatshëm, atëherë ai e ajo s’ka vend rrugëdalje tjetër. E nëse ai e paska tërheqë fjalën,  një kërkimfalje është  e justifikueshme dhe me i dhënë pikë asaj pune. Me kusht që në asnjë rrethanë e në asnjë mënyrë mos ta përsërisë. Nëse ka qenë konsekuent dhe shprehja është kundër UÇK’së, ai s’ka vend as në shoqërinë tonë. Kushdo që është ai, qoftë edhe vëllai im.

Lexoni INTERVISTËN e plotë.