Jo zyrtare: Blerand Stavileci nënkryetar i Prishtinës

Jo zyrtare: Blerand Stavileci nënkryetar i Prishtinës

Lidhja Demokratike e Kosovës dhe Partia Demokratike e Kosovës pritet që të bashkëpunojnë në Komunën e Prishtinës dhe pozitën e dytë më të rëndësishme, atë të nënkryetarit, ta marrë Blerand Stavileci i PDK-së, siç ka mësuar KOHA.

Stavileci më parë ka qenë këshilltar komunal, ndërsa ka luajtur e ka udhëhequr klubin e basketbollit të kryeqytetit.

Stavileci, i kontaktuar nga KTV-ja, nuk është përgjigjur për këtë çështje.

PDK-ja, e cila në këto zgjedhje komunale garoi me Uran Ismailin, u rrit në kryeqytet duke u bërë partia e tretë e duke siguruar 9 ulëse në Kuvendin Komunal të Prishtinës.

LDK-ja fitoi Prishtinën në rundin e dytë të zgjedhjeve lokale. Përparim Rama i kësaj partie arriti ta përmbysë rezultatin e rundit të parë dhe ta fitojë garën përballë Arben Vitisë së Vetëvendosjes.

Shpërndaje në: