Johnson flet me Zelenskyn, premton më shumë mbështetje për Ukrainën
Kryeministri i Mbretërisë së Bashkuar Boris Johnson, ka pasur bisedën e tij të fundit telefonike me presidentin ukrainas, Volodymyr Zelensky.
Një deklaratë thuhet se një pjesë e bisedës së tyre kishte në qendër situatën në Mariupol dhe se kryeministri britanik kishte shfrytëzuar rastin për të përshëndetur rezistencën ukrainase në qytet.
“Kryeministri e përditësoi presidentin Zelensky për sanksionet e reja nga Mbretëria e Bashkuar që hynë në fuqi javën e kaluar dhe tha se Mbretëria e Bashkuar do të vazhdojë të sigurojë mjetet për Ukrainën për t’u mbrojtur, duke përfshirë automjetet e blinduara në ditët në vijim”, thuhet në deklaratë, përcjell Klankosova.tv
Detajet e bisedës telefonike vijnë në ditën kur u njoftua se Johnsonit i është ndaluar hyrja në Rusi për shkak të asaj që vendi konsideronte të ishte “qëndrimi armiqësor” i Mbretërisë së Bashkuar për luftën në Ukrainë.