Joshua nuk është dorëzuar, lëshon një mesazh të fortë për Fury dhe Wilder

Anthony Joshua nuk është dëshpëruar aspak nga humbja që e pësoi në duelin me Oleksandr Usyk.

Britaniku humbi titujt e tij në mbrëmjen e 25 shtatorit në Londër, duke u mposhtur bindshëm nga boksieri ukrainas. Megjithatë, për AJ nuk janë titujt ata që e shtyjnë atë të boksojë.

Kjo nënkuptohet pasi Joshua ka thënë se do të përballet me Fury dhe Ëilder, edhe nëse nuk ka tituj në lojë.

“Do të përballem me Tyson Fury, Wilder, secilin, edhe pa rripa”, ka thënë Joshua, transmeton Periskopi.

Të gjithë adhuruesit e boksit po prisnin një duel mes Joshua dhe Fury, për unifikimin e titujve, por tani kjo mundësi është larguar, ose shtyrë për pak, pasi Usyk doli kundër parashikimeve.

Gjithsesi, shpresat për të parë një duel të Joshua me Fury, apo edhe me Wilder, nuk duken të humbura. AJ është gati të dëshmojë veten edhe pa titujt në lojë. /Periskopi/