Juventusi barazon me një prej skuadrave më të dobëta në ligë, luajti me një lojtar më pak për 30 minuta
Juventusi ka arritur të nxjerrë një pikë si nikoqir i Crotones, në ndeshjen e vlefshme për javën e katërt në Serie A.
Arsyeja pse ky rezultat mund të konsiderohet pozitiv për ”Zonjën e Vjetër” është sepse luajti me dhjetë lojtarë në fushë për 30 minuta, kur Chiesa u përjasshtua me të kuq direkt në minutën e 60-të, shkruan Periskopi
Sidoqoftë, paraprakisht Crotone kishte kaluar në epërsi në minutën e 12-të përmes një penalltie të konkretizuar nga Simy, para se Alvaro Morata të barazonte në minutën e 21-të.
Sulmuesi spanjoll shënoi përsëri në minutën e 76-të, por goli i tij u anulua nga VAR për pozitë jashtë loje.
Pas këtij barazimi, Juventusi zë pozitën e katërt në tabelë me tetë pikë, ndërsa Crotone është e 18-ta me vetëm një pikë. /Periskopi.com/
