‘Ka banene brenda’ – komenti shokues racist që dëgjohet në prapavijë derisa Mourinho i dhuroi këpucët Felixit

Periskopi.com Sporti

Felix Afena-Gyan dhe Jose Mourinho u filmuan teksa trajneri i dha një pale këpucë të reja sulmuesit të ri, ashtu siç kishte premtuar, por një koment racist e prishi krejt këtë moment të bukur.

Mourinho zbuloi pas fitores 2:0 ndaj Genoas se ai i premtoi Felix se do t’ia blinte këpucët që ai dëshironte nëse do të shënonte.

Felix në fakt, realizoi dy gola dhe i dha “Gjallorosëve” tri pike të rëndësishme në garën për top katërshe.

Mourinho e mbajti premtimin dhe ia dha sot këpucët, teksa vet lojtari e falënderoi trajnerin në rrjetet sociale.

Por, moment ii bukur u prish nga një zë në prapavijë.

Kur Felix po hapte kutinë e këpucëve, u dëgjua një person prapa kamerave duke bërë një koment racist për futbollistin ganez.

“Ka banane brenda”, dëgjohej një person në prapavijë.