Kamberi: Lugina nuk i nënshtrohet SPS të Daçiqit
Deputeti shqiptar në Kuvendin e Serbisë, Shaip Kamberi, ka thënë se Tërnoci nuk dorëzohet dhe se Lugina nuk i nënshtrohet SPS të Daçiqit dhe partnerëve të tij.
Përmes një postimi në Facebook, ai ka thënë se edhe herën e tretë do të fitojë vullneti i shqiptarëve.
Ai ka shtuar se pjesëmarrja në zgjedhjet e imponuara është vendim nga takimi me strukturat e PVD-së dhe konkluzion nga takimi me partnerët e Koalicionit të Shqiptarëve.
Postimi i tij i plotë në Facebook:
Tërnoci nuk njeh dorëzim. Lugina nuk i nënshtrohet SPS të Daçiqit dhe partnerëve të tij.
Vullneti i shqiptarëve do të fitojë edhe herën e tretë.
Pjesëmarrja në zgjedhjet e imponuara është vendim nga takimi me strukturat e PVD-së dhe konkluzion nga takimi me partnerët e Koalicionit të Shqiptarëve.
Ne vazhdojmë betejën për përfaqësim dinjitoz parlamentar. Objektiv që do ta arrijmë edhe përkundër kundërshtimeve institucionale.
