Kancelarja Merkel planifikon ta fus krejt Gjermaninë në karantinë

Kancelarja gjermane Angela Merkel po planifikon një karantinë mbarëkombëtare që mund të detyrojë mbylljen e bareve, restoranteve, eventeve publike – sipas gazetës Bild.

Merkel pritet të shtyjë përpara masat kufizuese në një takim me liderët rajonalë të mërkurën.

Shkollat dhe disa dyqane do të mbeteshin të hapura nën restriksionet e reja, por megjithatë vendimi do të përbënte një eskalim madhor në përgjigjen e Gjermanisë ndaj koronavirusit, shkruan EuroNews, përkthen Periskopi.

Gjermania ka raportuar 8 mijë e 685 raste vetëm ditën e hënë.

Infeksionet janë rritur ndjeshëm në numra rekordë gjatë dy javëve të kaluara, megjithëse mbesin të ulta në krahasim me vende të tjera evropiane. /Periskopi