Këshilltari i Thaçit: Kurti po I ndan shqiptarët siç bënte dikur diktatori Enver Hoxha

Periskopi.com Lajme

Adil Behramaj, këshilltar politik i Presidentit Thaçi, thotë se kur Gjyakta Kushtetuese vendosi për pezullimin e dekretit të Presidentit, Kurti e vlerësoi vendimin në interes të qytetarëve, ani pse ishte vendim që i publikua nå orët e vona,  ndërsa vendimin e mbrëmshëm po e konsideron si veprim të territ sepse nuk po i konvenon.

Tutje Behramaj ka komentuar edhe ndarjen që Kurti u ka bërë qytetarëve në ‘të vetëdijshëm’ dhe të pavetëdijshëm’, ndarje kjo e ngjashme që kishte bërë diktatori Enver Hoxha.

Postimi i plotë i Behramajt:

Kur Gjykata Kushtetuese më 1 maj mori vendimin për pezullimin e dekretit të presidentit në orët e vona, Kurti e vlerësoi atë si vendim në interesin e publikut, që i shërbente administrimit të drejtësisë. Ndërsa, vendimin e mbrëmshëm të Gjykatës Kushtetuese të publikuar në orët e vona, sot e paska interpretuar sikur të ishte vendim i territ, sepse këtë radhë nuk po i konvenon!

Sot, po ashtu, Kurti e paska ndarë popullin edhe në të vetëdijshëm dhe të pavetëdijshëm, duke fyer poshtërsisht kështu mbi 90 për qind të qytetarëve më të drejtë vote.

Shkencëtarisht, pavetëdije konsiderohet vetëm bota shtazore, e cila vepron me inercion.

Edhe diktatori i fundit në Ballkan, që për ta ruajtur higjienën publike nuk po ia përmendi emrin, i ndante shqiptarët në të ndershëm dhe të pandershëm.

Shumica e atyre që ishin të ndershëm për dikatorin ballkanik, sot janë të radhitur përkrah Kurtit dhe janë pjesë e elektoratit të vetëdijshëm të tij!

Në fund, ai paska dashur të thotë: “Stalingradi ra, por beteja vazhdon!”.

 

Shpërndaje në: