Këto janë dy superndeshjet që luhen sot në Superligë

Elita e futbollit kosovar sjell sot dy ndeshje jashtëzakonisht interesante dhe me shumë rivalitet.

Derisa dje u luajtën dy takime Drenica – Arbëria (0:1) dhe Besa – Llapi (2:2), sot në program janë tri, derisa vëmendja do të jetë të superpërballjet Ballkani – Drita dhe Feronikeli – Prishtina.

Ballkani e Drita ende nuk dinë për humbje dhe me të drejtë po konsiderohen si rivalët kryesorë në luftë për titull. Kjo bën që të pritet një luftë e ashpër në fushë dhe pa kalkulime.

Në takimin tjetër, Prishtina assesi nuk guxon të humbas sot ndaj Feronikelit në mënyrë që ta ruaj hapin me skuadrat e kreut. Kjo vlen edhe për “Niklin” i cili nuk e ka nisur mirë kampionatin dhe një humbje në ndeshjen e sotme do të ishte shumë e vështirë e kompensueshme, për të mos thënë do të shuante çdo shpresë edhe pse jemi ende shumë herët.

Takimi i fundit është ai ndërmjet Gjilanit e Trepçës ’89 i cili gjithashtu pritet të sjellë shumë rivalitet.

Të gjitha ndeshjet zhvillohen nga ora 14:00.