Kimete Berisha: Albin Kurtin nuk e duan amerikanët sepse flet si fukara e vepron si hajn

Periskopi.com Lajme

Kryeministri Albin Kurti tash e disa ditë po qëndron në vizitë zyrtare në ShBA, por nuk është takuar me asnjë zyrtar amerikan, shkruan Periskopi.

E, opinionistja, Kimete Berisha ka dhënë disa arsye pse Kurti nuk u prit nga zyrtar të lartë të ShBA-së.

Sipas saj Kurtin nuk e duan amerikanët sepse ‘flet si fukara, vepron si hajn, është marksist – sillet si muslim’.

“Amerikanëve u vjen mërzi pse ky iniston të jetë dogmat”,ka shkruar ajo ndër të tjera.

 

Postimi i saj i plotë:

Modern primitivizëm!

1.Vjosa Osmani e ka rrezikuar postin e Presidentes për t’u dukur bukur.

A po ju kujtohet që ju kam thënë se është shumë me rëndësi të dukesh bukur!

Pse gratë e politikës e fshehin seksin me tesha, pse duhet ta fshehin çdo pjesë të trupit që mund ta hutojë njerëzimin.

Ti nuk ke faj që je seksi!

Unë e përkrah angazhimin e saj që si ‘në të tretën e ditës’ i ndërron fustanet tri herë: para, gjatë dhe pas takimeve zyrtare.

Burri i saj, paraprakisht është angazhuar t’i spiunojë ngjyrat e setrave të politikaneve amerikane, me të cilat takohet gruaja e tij, në mënyrë që Osmani t’i kombinojë ngjyrat e setrave me to – e ato të thonë: O my God – çfarë koincidence pembe.

Pse mos m’i fry’ edhe buzët – mendoj unë. Përkrahjen e gazetarit E.Bollero e ka.

2. Albin Kurtin nuk e duan amerikanët për shumë arsye:

Sepse flet si fukara, vepron si hajn.

Është marksist – sillet si muslim.

Pastaj, mëkaton: i shfrytëzon budallenjtë.

Për shembull: amerikanët e dinë se në Kosovë po ndodh eksodi, shqiptarët po varfërohen, po ikin nga papunësia, bizneset po mbyllen – kurse Albin Kurti bën propagandë.

Janë punësuar 25 shqiptarë – tha.

Ti mund t’i gënjesh shqiptarët, se janë dembelë, përtojnë ta lypin listën me emrat e të punësuarve fantomë, por amerikanët nuk mund t’i gënjesh sepse ata nuk përtojnë – e lypin Listën.

Amerikanëve u vjen mërzi pse ky iniston të jetë dogmat.

Edhe patetik.

Edhe Pozant.

Sidomos Epigon.

I marrë është: kur i këshillon amerikanët.

Budalla është: kur i refuzon këshillat e amerikanëve.

3. E kam pasur një kolege amerikane.

Në zyren ku punoja, ishte vendosur edhe një serbe. Ishte koha kur punonim për ‘standardet para statusit’.

Serbja sillej korrekt, por meqenëse e kishte një fëmijë që e kishte pagëzuar ‘Sllobodan’, ajo me shkronja kapitale e shkroi emrin Sllobodan në letër dhe e ngjiti në mur, para hundëve.

Si kundërpërgjigje, të nesërmen e bleva një flamur kuq e zi dhe e vendosa në tavolinën time.

Një ditë, amerikanja, më pa hundë e buzë bashkë dhe më pyeti:

Pse?

Shikova kah muri i zyrës ku shkruante ‘Sllobodan’. Unë e merrja për shoqe që më kupton, kur ajo shkurt më tha:

‘E vetmja mundësi e jotja është ta lësh punën’.

Normal që nuk e lash, përkundrazi, i graha punës bile mora komplimente internacionale.

Sapo shkoi serbja – e hoqa flamurin kuq e zi nga tavolina.

4. Ministra e jashtme e Kosovës ka nënshkruar një memorandum me ministrin e jashtëm të Izraelit për të xhiruar filma.

Filmi i parë do të jetë ‘Ah Izraelitët – ky popull i zgjedhur’.

Filmi i dytë ‘Palestina jonë’.

Filmi i tretë ‘Shqiptarët shpëtuan hebrenjtë’.

5. Dyshohet se gruaja e Ilaz Kodrës u largua nga puna veç pse e ka emrin Kimete.

6. Kuvendi i Shqipërisë nuk është i pajtimit se Serbia ka kryer gjenocid në Srebrenicë.

Edi Rama (me kryetaren e Kuvendit – një serbofile e njohur për publikun),

e përkrahin vrasjen masive të boshnjakëve – për hir të Aleksandër Vuçiqit.

E ka puthur Aleksandri në buzë a?

A kaq shumë e dashuron Aleksandër Vuçiqin sa për hir të tij Edi Rama e mohon gjenocidin në Srebrenicë….

Shqiptari nuk e do viktimën të gjallë – lëre më të vdekur.

Prandaj, shqiptarët nuk bëhen rehat kurrë.

Se nëse është i dashuruar në Vuçiqin – e kuptoj, dashuri është kjo – ti merr mendt – s’të pyet.

Cili njeri me mend kry dashurohet!

7. Unë e kam një lule në saksi.

Sa herë hidhërohem me personin që ma ka dhuruar – nuk e vadis.

Kur i kam punët mirë me dhuruesin e lules – përveç që e vadis, edhe i flas.

Thonë urrejtja, ama dashuria e parealizuar të bën agresiv.

Për shembull nëse e do dikë nga Peja, e do krejt Pejën – nëse ia merr inat personit në fjalë – ia merr inat krejt qytetit.

Urrejtja është me shumicë – tepron.

A po kupton?

8. Një milic u prek në sedër pse Ramush Haradinaj, gjithmonë për festa po u shpërndan kafe capuchin. Një shok i klasës i ka treguar milicit se kafeja capuchin-o e mori emrin sipas majmunit bukurosh Capuchin.

Chapuchin-ët i lajnë duart me shurrën e tyre dhe janë dembelë, po çka me bë tash!

9. Martin Berishaj u pa i pabuzëqeshur – për herë të parë në karrierën e tij gilipteriane.

10. Ervehe Pajaziti nga Drenica e ka paditur babain për ndërhyrje në teshat e saj.

Babai për vete i preferon fustanat e gjatë, prandaj ka dhënë urdhër që vajza e tij të duket serioze, si djemtë qysh duken.

Vajza e ka refuzuar vendimin e të atit dhe ka kërkuar drejtësi estetike, në polici.

Raportohet se karafili i basmës në fustan është venitur nga pikëllimi, anipse krejt familja e kanë vaditur me lot.

Vajza banon në Instagram, dhe është e dashuruar në Ronaldon.

Policia po ia heton garderobën, ndërsa për provë materiale i është sekuestruar fustani.

11.Vjehrra Hanume Dibra (me banim në Evropë) e ka mashtruar renë e saj, derisa e ka kthyer në Kosovë për pushime: askush, asnjë kriminel nuk e ka paramenduar se Zonja Hanume do t’ia shqyente resë pasaportën dhe do ta përzënte nga shtëpia.

Vjehrra ishte e pakënaqur pse nusja nuk ka lindur fëmijë: boll e kam pritur – tha, 7 vite.

Makroni, me nadje, e ka lexuar këtë lajm nga Kosova. Dikush mendon se Evropa nuk të bën evropian.

12. Gjykata e burrave të Malishevës e kanë dënuar një djalë për lidhje dashurore me një grua.

Gruaja nuk është dënuar si pjesëmarrëse në dashuri, sepse sipas fshatarëve gruaja mashtrohet – duke e pasur parasysh ‘faktin me prejardhje shqiptare’ – se si ‘gruaja i ka mendt e lehta’ – ata thanë se ti si mashkull me mend n’krye, s’duhet të bëhesh me mend t’saj.

Në Odën ku u mbajt seanca dëgjimore, u shqyrtuan dhe u shoshitën të gjitha gojëdhënat, dyshimet, paranojat, vesveset dhe ëndrrat e burrit për tradhtinë e gruas së tij.

Në epokën e Albulena Haxhiut u avancuan gjykatat paralele të Kanunit.

P.S. Jam untë (agjëroj 2 herë në muaj, për 48 orë, nuk ha asgjë – veç kafe dhe ujë), se edhe më i bukur do të kishte dalë ky shkrim.

Prandaj, unë e kuptoj më së miri sakrificën që bën Presidentja për t’u dukur bukur.

(Mbaruam.

Ishalla bile jeni të kënaqur me neve).