Kina e gatshme të fillojë luftën nëse Tajvani shpall pavarësinë

Pekini “nuk do të ngurrojë të fillojë një luftë” nëse Tajvani shpall pavarësinë, ka paralajmëruar homologun e tij amerikan, ministri i mbrojtjes i Kinës.

Paralajmërimi nga Wei Fenghe erdhi të premten teksa ai zhvilloi takimin e tij të parë ballë për ballë me Sekretarin e Mbrojtjes të SHBA-së, Lloyd Austin, në margjinat e samitit të sigurisë Shangri-La Dialogue në Singapor.

Wei paralajmëroi Austin se “nëse dikush guxon të ndajë Tajvanin nga Kina, ushtria kineze definitivisht nuk do të hezitojë të fillojë një luftë pa marrë parasysh koston”, citoi zëdhënësi i ministrisë së mbrojtjes Wu Qian të thoshte ministrin gjatë takimit, shkruan TRT, përcjell Telegrafi.

Ministri kinez u zotua se Pekini do të “shpartallojë çdo komplot ‘pavarësie të Tajvanit’ dhe do të mbështesë me vendosmëri bashkimin e atdheut”, sipas ministrisë kineze të mbrojtjes.

Ai “theksoi se Tajvani është Tajvani i Kinës… Përdorimi i Tajvanit për të kontrolluar Kinën nuk do të mbizotërojë kurrë”, tha ministria.

Në anën tjetër Austin “ripohoi rëndësinë e paqes dhe stabilitetit në të gjithë ngushticën (Tajvan), kundërshtimin ndaj ndryshimeve të njëanshme të status quo-së dhe i bëri thirrje (Kinës) të përmbahet nga veprimet e mëtejshme destabilizuese ndaj Tajvanit”, sipas Departamentit të Mbrojtjes së SHBA.

-->

MË SHUMË PËR

TE FUNDIT