Kinë: Aksidentohet autobusi me qytetarë që po dërgoheshi në karantinë, 27 të vdekur
Në Kinë ka shpërthyer zemërim dhe kritika për politikat zero-Covid, pasi një autobus që po transportonte qytetarët në karantinë, është aksidentuar, dhe kanë vdekur 27 persona, raporton CNN.
Sipas autoriteteve, autobusi po i dërgonte 45 persona nga Guiyang, kryeqendra e provincës Guizhou, për në periferi afro 249 kilometra.
Autobusi është rrotulluar në autostradë në një pjesë malore dhe ka rënë në një luginë të thellë, rreth orës 2:40 të mëngjesit.
Është e paqartë pse autobusi i karantinës ka dërguar qytetarët në mesnatë në rrugët malore, ndërsa moti ishte jo i mirë.
Rregullat e transportit në Kinë ndalon autobusët e distancave të gjata të operojnë nga ora 2 deri në 5 të mëngjesit.
Të mbijetuarit e aksidentit janë duke marrë trajtim./koha/
