Kjo është mosha e dy të vdekurve nga koronavirusi në Kosovë
Një burrë i moshës 59 vjeçare nga Prishtina dhe një grua e moshës 70 vjeçare nga Korisha e Prizrenit kanë vdekur sot si pasojë e infektimit me koronavirus ka njoftuar Ministria e Shëndetësisë.
Të njetit kanë pasur edhe sëmundje të tjera.
Kjo është vdekja e tretë deri më tani nga koronavirusi në Kosovë.
Njoftimi i MSh-së:
Sot me datë 06.04.2020 në Klinikën Infektive të QKUK-së dy pacientë me COVID 19 kanë përfunduar me vdekje.
Në ora 03:00 ka përfunduar me vdekje pacienti i gjinise mashkull S. N, 1961, Prishtinë, i cili është pranuar në Mjekimin Intenziv të Klinikës Infektive me datën 04. 04. 2020 transfer nga Qendra Emergjente e QKUK-së dhe ka qenë me sëmundje shoqëruese (Diabetes Mellitus tip 2. Sy hepatorenale). Pacienti është pranuar në Klinikën Infektive në gjendje të rendë pa vetëdije.
Në ora 07:10 ka përfunduar me vdekje pacientja e gjinisë femer, N. R, 1950, Korishë, Prizren, e cila është pranuar po ashtu në Mjekimin Intenziv të Klinikës Infektive me datën 02. 04.2020 dhe ka pasur sëmundje shoqëruese (Diabetes Mellitus, Nephropathia diabetica, Hypertensio arterialis dhe Cardimyopathia chronica).
