“Kokë e një organizate që ka kryer krime”, Gërvalla për Kadri Veselin: Deklaratat i bëra si aktiviste

“Kokë e një organizate që ka kryer krime”, Gërvalla për Kadri Veselin: Deklaratat i bëra si aktiviste

Zëvendëskryeministrja dhe ministrja e Jashtme e Kosovës, Donika Gërvalla ka folur sërish në lidhje me deklaratat disa kohë më parë ku akuzonte Kadri Veselin si kriminel, i cili sot ndodhet në Hagë.

“Unë kam thënë Kadri Veseli ka qenë në krye të një organizate që në Kosovë është akuzuar madje për vrasje pas luftës të kundërshtarëve politikë, por nuk e përcaktoj unë, por organet gjyqësore dhe në pozicionin e ministres së Jashtme do të kërkoja mirëkuptimin tuaj, aq më tepër që ka një proces të hapur për Veselin dhe të tjerët. Nuk dua të citohem diku tjetër si ministre e Punëve të Jashtme për deklarata që më parë i kam bërë si aktiviste” tha ajo.

Por a do të ishte e gatshme që të dëshmonte për akuzat që ka bërë nëse do të thirrej nga Gjykata Speciale?

“Nuk e kam ndërmend të jap deklarata në Gjykatën Speciale. Jam pjesë e qeverisjes së Kosovës dhe nuk përzihem në punën e drejtësisë. As nuk më është kërkuar dhe as nuk kam ndërmend që ta bëj në të ardhmen” tha ajo në “ABC”.

Shpërndaje në: