Kompanisë së taksistëve ‘Uber’ me të cilët u takua Kurti, u shpërthen skandali me politikanë

Më shumë se 124 mijë dokumente konfidenciale janë publikuar në “The Guardian” rreth kompanisë gjidante amerikane “Uber”, sipas të cilave “kanë blerë politikanë botërorë duke i shkelur ligjet”, me qëllim zgjerimin e afarizmit në nivel global.

Gjithmonë sipas The Guardian dosjet ekspozojnë përpjekjet për të lobuar te presidenti amerikan, Joe Biden, kancelari gjerman Olaf Scholz dhe George Osborne.

Bazuar në atë që raporton The Guardian “Emmanuel Macron ndihmoi fshehurazi lobimin e Uber në Francë”.

Një grumbull dosjesh konfidenciale ka zbuluar historinë e brendshme se si gjigandi i tekonoogjisë Uber “shpërfilli ligjet, mashtroi policinë, shfrytëzoi dhunën kundër shoferëve dhe loboi fshehurazi qeveritë gjatë zgjerimit të tij agresiv global”

Rrjedhja e paprecedentë në Guardian e më shumë se 124 mijë dokumenteve – të njohura si dosjet e Uber-it – nxjerr në pah praktikat e dyshimta etike që nxitën transformimin e kompanisë në një nga eksportet më të famshme të Silicon Valley.

Rrjedhja përfshin një periudhë pesëvjeçare kur Uber drejtohej nga bashkëthemeluesi i saj Travis Kalanick, i cili u përpoq të detyronte shërbimin e transportit me taksi në qytete në mbarë botën, edhe nëse kjo nënkuptonte shkelje të ligjeve dhe rregulloreve të taksive.

Gjatë reagimit të ashpër global, të dhënat tregojnë se si Uber u përpoq të siguronte mbështetjen duke u ballafaquar në mënyrë diskrete me kryeministrat, presidentët, miliarderët, oligarkët dhe pronarët e mediave.

Mesazhet e zbuluara thonë se drejtuesit e Uber ishin të vetëdijshëm për shkeljen e ligjit të kompanisë, me një drejtues që bën shaka se ata ishin bërë “piratë” dhe një tjetër pranoi: “Ne jemi thjesht të paligjshëm”.

Kujtojmë se Albin Kurti ishte takuar me drejtues të kompanisë së mirënjohur Uber, kompani
kjo me të hyra vjetore prej 5.8 miliardë dollarë, e cila operon në mbi 70 shtete dhe mbi 10 mijë qytete anembanë botës.

Ai e kishte ftuar kompaninë Uber që ta konsiderojë Kosovën në strategjinë e tyre të zgjerimit dhe planet e tyre për kontraktim të shërbimeve nga jashtë.

“Në Kaliforni, startup-et në zhvillim që u shndërruan në gjigantë të themeluar—si Uber—na kujton se një vend i ri si Kosova, unik në nivelin tonë të motivimit personal dhe talentit krijues, ka një të ardhme të ndritur në inovacion, duke paraqitur një mundësi të madhe për SHBA-në investim dhe partneritet”, kishte shkruar Kurti në Twiitter më 10 maj.

Kurti këtë vizitë e kishte quajtur si “vizitë ekonomike”, duke thënë se i ka ftuar gjigantët amerikanë të investojnë në Kosovë.

In California, emerging startups that turned into established giants—like @Uber—remind us that a young country like ??, unique in our level of personal drive & creative talent, has a bright future in innovation, presenting an enormous opportunity for ?? investment & partnership. pic.twitter.com/pwygG6Gmom

— Albin Kurti (@albinkurti) May 10, 2022