Konjufca: Fajin për infeksionet e ka Qeveria, po shyqyr që ministër qëlloi Arben Vitia
“Shyqyr që qëlloi Arben Vitia ministër, se kushedi ku kish përfundu Kosova,” – deklaroi Konjufca në një intervistë me Adriatik Kelmendin.
Ai deklaroi se megjithëse qeveria kishte përgjegjësinë më të madhe për rastet e reja dhe vdekjet, përgjegjësi kishin edhe institucionet e tjera shëndetësore, përcjell Periskopi.
Më tej, kryeparlamentari konsideroi që ishin shpëtuar shumë jetë – por nuk falenderoi ministrin Vitia për çështjen por punëtorët shëndetësorë.
Konjufca deklaroi se gabimi më i madh kishte qenë hapja totale në verë për rritjen e frikshme të infeksioneve në muajin gusht.
