Konjufca thotë se institucionet nuk vlerësuan saktë rrezikun e variantit delta: Gjendja me pandemi është e keqe

Konjufca thotë se institucionet nuk vlerësuan saktë rrezikun e variantit delta: Gjendja me pandemi është e keqe

Kryetari i Kuvendit të Kosovës, Glauk Konjufcës, ka thënë se ishin tri faktorë që ndikuan në rritjen e rasteve me Covid në Kosovë ndërkohë që ai e pranon se varianti Delta i zuri të papërgatitur.

Ai tha po ashtu se pret një fitore të nivel lokal, që të kompletohet “ndryshimi” në Kosovë.

“Unë mendoj që ndryshimi madh nuk është i kompletuar nëse nuk përfundon me atë në nivel lokal. Ky është mendimi im. Nëse kjo rrugë që u fillua, të cilën e filloi populli i Kosovës pasi VV aty është vetëm të shërbej. Nëse ky ndryshim që ka filluar, pasi gjithçka që filloi ishte nga niveli qëndror, shumë vendime me rëndësi për qytetarin merren në nivel lokal. Me rëndësi të madhe është shëndetësia”, thotë ai.

“Gjendja me pandemi është e keqe, për shkak se niveli i vdekshmërisë është i lartë. Numrat u rritën për shkak të kombinimit të 2, nëse mund të them tri faktorëve më saktë. Ardhja e variantit delta, së dyti hapjes së madhe të Kosovës dhe së treti që nuk kishte një vlerësim më të qartë dhe të saktë të asaj që mund të shkaktonte varianti Delta. Neve na u duk në muajin maj se e mposhtëm Covidin. Jo vetëm pse ishte vullnet i qeverisë por edhe konsensus i përgjithëshm shoqëror. Opozita në bënte presion të hapeshim. Kishte ditë me 0 vdekje. Nëse nuk gaboj ishte 8 gusht me 0 vdekje. 20 ditë më pas kemi arritur në këtë nivel të vdekjeve. Kjo kërkon të fokusohemi në shëndetësi më shumë dhe mos të harroj një faktor tjetër është edhe niveli i vaksinimit i cili është shumë i ulët”, përfundoi Konjufca.

Shpërndaje në: