Koreja e Veriut testoi raketat me rreze të gjatë për vikend, Kimi mungon
Korea e Veriut ka kryer me sukses testimet e raketave të rrezës së gjatë gjatë vikendit, ka thënë mediumi shtetëror i këtij vendi KCNA, duke nxitur kritika nga ShBA-ja.
Raketat janë “armë strategjike të rëndësisë së madhe” dhe fluturuan 1500 kilometra para se të godisnin shënjestrat në ujërat e territorit të saj të shtunën dhe të dielen.
Ushtria e ShBA-ve tha që testimet e raketave përbënin rrezik për fqinjtë e Koresë por edhe vendet tjera, raporton Guardian, përkthen Periskopi.
“Ky aktivitet thekson fokusin e vazhdueshëm të Koresë në zhvillimin e programit të saj ushtarak dhe kërcënimet që përbën ndaj fqinjve të saj dhe komunitetit ndërkombëtar,”
Shqetësime për këto testime ka shprehur edhe Japonia.
Kimi nuk u duk se ishte pjesëmarrës në testimet e kryera.
Muajin e kaluar, OKB deklaroi se dukej që Korea e Veriut kishte rinisur punën në reaktorin e saj nuklear. /Periskopi
