Koronavirusi ndal sërish futbollin në Itali, Seria A mund të pezullohet për dy javë
Futbolli në Itali është futur në një udhëkryq të ri pas infektimit më koronavirus të 11 lojtarëve dhe 3 pjesëtarëve të stafit teknik tek ekipi i Genoa.
Sipas mediave italiane po mendohet skenari i pezullimit për dy javë të të gjitha ndeshjeve të Serie A, edhe pse nuk ka ende një vendim zyrtar.
Genoa, që u shkatërrua 6:0 javën e kaluar nga Napoli, është planifikuar të luajë me Torinon, por ndeshja pritet të shtyhet.
Ndeshja tjetër në dyshim është edhe ajo mes Juventusit e Napolit, pikërisht sepse ishin të besuarit e trajnerit Gattuso që luajtën fundjavën e kaluar ndaj Genoa, duke fituar 6-0.
Aktualisht qeveria po vlerëson situatën për të dalë në një vendim zyrtar.