Kosova nuk ka qasje në hiset e saj në Serbi

Një numër i madh i këtyre ndërmarrjeve gjenden edhe në territorin e Serbisë, shkruan Gazeta Express.

Sipas një dokumenti të publikuar nga Agjencia Kosovare e Privatizimit, vetëm në territorin e Serbisë gjenden 110 prona të ndërmarrjeve shoqërore.

Në territorin e këtij shteti Kosova i ka në pronësi një fabrikë, disa ndërtesa administrative, tokë, rreth 75 lokale, 10 objekte të zyrave si dhe 4 depo.

Kosova, po ashtu, ka prona edhe në territorin e Malit të Zi 36, në Bosnjë dhe Hercegovinë 18, kurse prona të tjera gjenden në Kroaci, në Maqedoni dhe në Slloveni.

Prej tyre, 17 prona i takojnë kombinatit metalurgjik “Trepça”. 11 asete të këtij gjiganti gjenden në Serbi, 3 në Bosnjë Hercegovinë dhe 3 në Kroaci.

Ndërkaq, që nga fillimi i procesit të privatizimit në vitin 2003, AKP-ja ka privatizuar 1290 prona brenda territorit të Kosovës dhe asnjë pronë në vendet e rajonit.

Ndërsa, të paprivatizuara kanë mbetur edhe 1680 prona, kryesisht lokale, tokë bujqësore dhe fabrika./GazetaExpress/