Kryeministri bullgar viziton në spital të lënduarit e aksidentit tragjik

Periskopi.com Lajme

Kryeministri i Bullgarisë, Stefan Janev, ka vizituar shtatë të lënduarit nga aksidenti i rëndë në autostradën e Strumës, ku humbën jetën 45 shqiptarë nga Maqedonia e Veriut.

Drejtori i institucionit mjekësor Ivan Poromanski, shefi i Klinikës për djegie dhe kirurgji plastike Maya Argirova dhe shefi i Klinikës së Traumatologjisë Diyan Ençev e njoftuan kryeministrin se gjendja e pacientëve është stabile, shkruan Novitine.

Kryeministri foli me viktimat, duke shprehur ngushëllimin e thellë për ngjarjen e tmerrshme dhe duke u uruar shërim të shpejtë.

Gjashtë të lënduarit kanë djegie të rënda dhe një tjetër ka lëndime në këmbë, pas ekzaminimit dhe vlerësimit të gjendjes së tyre, ata janë vendosur për trajtim në repartin e djegieve në Pirogov.