Kurt Zouma rikujton storien interesante: Mourinho më ftoi në zyrë dhe më tha se isha katastrofë në ndeshje
Jose Mourinho është një prej trajnerëve më të mirë në histori të futbollit. Fakt i gjallë.
Portugezi ka fituar titullin e ligës në katër shtete të ndryshme: Portugali, Angli, Itali dhe Spanjë, transmeton Periskopi.
Ai gjithashtu e ka fituar titullin e Champions Leagues në dy raste të ndryshme.
Mourinho e ka arritur gjithë këtë, derisa poashtu ka fituar reputacion si një karakter shumë direkt.
Pa marrë parasysh a janë mediet në fjalë apo lojtarët, Mourinho gjithmonë e thotë atë që e mendon.
Por çka u thotë saktësisht lojtarëve të tij ai? Kurt Zouma së fundmi ka dhënë një deklaratë për “RMC Sport” në një dokumentar për Mourinhon.
Dhe ai tregoi një storie brilante kur Mourinho i tha atij se luajti katastrofë pak pasi iu bashkua Chelseat.
“Ai është dikush që e do fitoren. Ai përdorë të gjitha mjetet e tij për ta arritur,” u shpreh francezi.
“Erdha këtu kur isha 19-vjeçar dhe më aktivizoi. I pata rastet e mua, luajta në ndeshje.
“Nuk e di çka mendojnë njerëzit, të gjithë kemi mendime të ndryshme, por nga ana ime, nuk pajtohem me nocionin se Mourinho nuk u jep rast të rinjëve.
“Nuk mund ta kujtoj në cilën ndeshje luajtëm, po humbnim 3-1 jashtë shtëpisë. Ditën tjetër, ai foli me mua, më dërgoi në zyrën e tij dhe më pyeti nëse jam mirë. Unë i thashë po.
“Më pyeti pastaj nëse isha i sigurtë se jam mirë, i thashë po përsëri. Ai u përgjigj: ‘Sepse ti ishte katastrofë në fundjavë.'” /Periskopi.com/