Kurti ftohet për vizitë në Izrael

Periskopi.com Lajme

Në margjina të pjesëmarrjes në Tryezën vjetore të 26-të, kryeministri i Kosovës, Albin Kurti, takoi David Harris, Drejtor Ekzekutiv i Komitetit Amerikan-Hebraik, i cili e ftoi Kurtin për vizitë në Izrael

Kryeministri i Kosovës, Albin Kurti, është ftuar për vizitë në Izrael nga drejtori ekzekutiv i Komitetit Amerikan-Hebraik, David Harris.

Kështu ka njoftuar zyra e kryeministrit përmes një komunikate për media, ku thuhet se në margjina të pjesëmarrjes në Tryezën vjetore të 26-të të organizuar nga prestigjiozja britanike The Economist, Kryeministri i Republikës së Kosovës, Albin Kurti, takoi David Harris, Drejtor Ekzekutiv i Komitetit Amerikan-Hebraik (American Jewish Committee – AJC).

Gjatë këtij takimi, është diskutuar për zhvillmet në Kosovë, si dhe mundësitë e thellimit të bashkëpunimit midis dy qeverive.

“Drejtori Ekzekutiv i Komitetit Amerikan-Hebraik e ftoi Kryeministrin Kurti për vizitë në Izrael”, thuhet në njoftim.