Kurti: Në Mitrovicë nuk e pritëm këtë rezultat, nuk e ndihmuam Agim Bahtirin

Kryetari i VV-së njëherish kryeministër Albin Kurti, ka thënë se në Mitrovicë kanë pritur rezultat më të mirë.

„Ne kemi bashkëpunuar aq sa kemi mundur e ditur. Nuk ka munguar vullneti. Në ndonjë komunë a kemi mundur të kombinohemi më mirë, mbase po.  Sigurisht që kam pritë rezultat tjetër, mbase nuk e kemi ndihmuar mjaftueshëm Agim Bahtirin, të cilin e falënderoj përzemërsisht për kontributin në angazhimin e tij dhe gjithashtu për besnikërinë ndaj Lëvizjes Vetëvendosje dhe korrektësinë në raportet e tij me mua si kryeministër dhe kryetar i Vetëvendosjes“, ka thënë Kurti.